१३ बुँदे आचार सहिंता जारी
काठमाडौं मंसिर २३,
पशुपति क्षेत्र विकास कोषले मंसिर २४ गते रातिदेखि २५ गते मनाइने बालाचर्तुदशी पर्वका लागि सम्पूर्ण तयारी पूरा भएको जनाएको छ ।
पशुपतिनाथ मन्दिर परिसरमा बालाचर्तुदशीको अवसरमा आफ्ना दिवङ्गत भएका पितृहरूको सम्झनामा दीपप्रज्ज्वलनदेखि ‘कोर’ क्षेत्रमा शतबीज छर्ने परम्परा रहिआएको छ।
कोषका कार्यकारी निर्देशक डा घनश्याम खतिवडाले “नेपाल प्रहरी र सशस्त्र प्रहरीको सुरक्षा मूल शिविर बनाई संयुक्त सुरक्षा योजनाअनुसार भक्तजनको सुरक्षाका लागि कोर क्षेत्रमा शतबीजमार्ग र बत्ती बाली बस्ने स्थानमा पर्याप्त सुरक्षाकर्मी परिचालन गरिएको जानारी दिदै बालाचतुर्दशी पर्वलाई लक्षित गरी पशुपति मन्दिरको वरपरका क्षेत्रमा माछा, मासु, जाड–रक्सी र अन्य नशालु लागू पदार्थ सेवन तथा बिक्रीरवितरणमा रोक लगाइएको जानकारी दिएको छ ।
साथै कोषले पर्व, मेला र विशेष अवसरमा चोरीका घटना पनि हुनसक्ने सभावनालाई मध्यनजर गरी बहुमूल्य गरगहना लगाएर नआउन पनि भक्तजनलाई आग्रह गर्दै शतबीज छर्दा १३ बुँदे नियम पालना गर्न भक्तजनलाई अनुरोध समेत गरेको छ ।
