काठमाडौँ साउन ९,
आगमी भाद्र महिना देखि देशभरका सबै यातायात देखिने भीडलाई प्रविधिसंगै जोड्दै सेवाग्राहीलाइ प्रविधिमैत्री बनाउनअनलाइन भुक्तानीसहितको विद्युतीय सेवा लागू हुने भएको छ ।
यातायात क्षेत्र सुधार र कार्यान्वयन योजना बनाउन भौतिक पूर्वाधार तथा यातायातमन्त्री प्रकाश ज्वाला,सातै प्रदेशका यातायातमन्त्री, सचिव र दुई प्रदेशका मुख्यमन्त्रीसहितको सयुक्त रुपमा काभ्रेको धुलिखेलमा भएको सयुक्त बैठकले यातायात क्षेत्रमा देखिएको विकृतिको निरुपणका लागि ११ बुँदे धुुलिखेल सामूहिक घोषणपत्र जारी गर्दै यस्तो निर्णय गरेको हो ।
पछिल्लो समय गण्डकी प्रदेशको पोखरामा सञ्चालनमा आइसेको विद्युतीय सेवाको सफल र प्रभावकारी भएपछि देशभर लागू गर्ने योजनासंगै सरकारी सवारी साधनमा पहिले इम्बोष्ट नम्बर अनिवार्य गर्ने र त्यसपछि निजी र सार्वजनिक सवारी साधनमा पनि लागू गर्ने उदि इम्बोष्ट नम्बर जडान नभए उसको नवीकरण रोक्नेसम्मको निर्णय भएको घोषणापत्रमा उल्लेख रहेको छ ।
त्यस्तै बैठकले सवारी चालक अनुमतिपत्र, स्मार्ट चालक अनुमतिपत्रको छपाइ, इम्बोस्ड नम्बर प्लेट, पुराना सवारी साधनको लगत कट्टा, वैज्ञानिक भाडादर निर्धारणजस्ता विषयमा समन्वय गरेर काम गर्ने निर्णय गरेको छ ।
बैठकमा यातायात मन्त्रालयसमेतको जिम्मेवारीमा रहेको मधेस प्रदेशका मुख्यमन्त्री सरोजकुमार यादव र लुम्बिनी प्रदेशका मुख्यमन्त्री डिल्लीबहादुर चौधरी सहित बाँकी प्रदेशबाट यातायातमन्त्री र सचिवहरुको सहभागिता थियो
