सिसुवा धरमपुर प्रहरी चौकी डुबानमा
काठमाडौं असार २९,
केहि दिनयता देखि परेको अविरल वर्षाका कारण कोशी नदीमा पानीको बहाव बढेको छ। आज कोशी ब्यारेजमा पानीको बहाव १ लाख ७१ क्युसेक प्रतिसेकेण्ड रेकर्ड गरिएसंगै ब्यारेजका ५६ मध्ये २२ वटा ढोका खोलिएको कोशी बहाव नियन्त्रण कक्षका सम्बद्ध अधिकारीकाले जनाएको छ।
यसैवीच सुनसरी र मोरङबीच भएर बग्ने बूढीखोला, ट्याग्रा, सिंघिया, केसलीया, लोहन्द्रा गछिया बक्राहालगायतका खोलामा आएको बाढीका कारण भोक्राहा नरसिंह गाउँपालिका ८ मा रहेको सिसुवा धरमपुर प्रहरी चौकी डुबानमा परेको छ ।
अविरल वर्षाकै कारण विराटनगरमा डुबान परेको छ । मोरङ प्रहरी विराटनगरको पिपल चोक, कञ्चनबारी, शङ्करपुर, रानी, दरैया, जतुवालगायतको अधिकांश भूभाग डुबानमा परेको जनाएको छ । त्यस्ते सप्तकोशीको पुलबाट एउटा ट्रक नदीमा खसेको छ । ट्रकमा सवार तीन जनाको भने सकुशल उद्धार गरिएको प्रहरीले जनाएको छ ।