काठमाडौं जेठ १२ ,
नेपाल सरकारको वार्षिक नीति तथा कार्यक्रममाथिको छलफलका लागि आज बसेको संसद बैठकमा प्रमुख प्रतिपक्ष दल एमालेका सांसदहरूले बेल घेराउ गरेसंगै प्रतिनिधि सभा बैठक २० मिनेटका लागि स्थगित गरिएको छ ।
बुधबार बसेको प्रतिनिधिसभाको बैठकमा माओवादी केन्द्रका सांसद लेखनाथ दाहालले पशुपतिनाथमा पित्तलको जलहरी चढाएर एमाले अध्यक्ष केपी ओलीले भ्रष्टाचार गरेको आरोप लगाएपछि एमाले संसदीय दलका उपनेता सुवास नेम्वाङले आजको बैठकमा प्रमुख प्रतिपक्ष दलका नेतामाथि लगाइएको सो आरोप पुष्टि नभएसम्म संसद् चल्न नदिने अडान राखेसंगै एमालेका सांसदहरूले उठेर विरोध संगै सरकारविरुद्ध नाराबाजी गर्दै बेल घेराउ गरेको हो ।
सरकारलाई त्यसको जवाफ दिन माग गर्दै एमालेका सांसदहरूले संसद् चल्न नदिने जनाउ दिएका छन ।
