काठमाडौं फागुन २३,
यूएईमा सम्पन्न आईसीसी विश्वकप लिग–२ अन्तर्गतको त्रिकोणात्मक क्रिकेट श्रृंखलाको अन्तिम खेलमा आयोजक यूएईमाथि शानदार जित हासिल गर्दैै नेपालले विश्वकप छनोटमा सिधै छानिने सम्भावना कायमै राखेको छ ।
सोमवार भएको अन्तिम खेलमा नेपालले यूएईलाई ४२ रनले पराजित गर्दै विश्वकप छनोटको सम्भावना कायमै राखेको हो । यसअघि नेपालले पपुवा न्यूगिनीलाइ पराजित गरेको थियो भने यूएईसँग एक खेल हारेको थियो ।
सोमवारको खेलमा टस जितेर पहिले ब्याटिङ गरेको नेपालले ८ विकेटको क्षतिमा २२९ रन बनाउँदै यूएईलाइ जितका २३० रनको लक्ष्य दिएको थियो । तर यूएईले ४५ ओभरमा सबै विकेट गुमाएर १८७ रनमानै सिमित भएसंगै नेपालको पोल्टामा जित परेको हो ।
अवको चरणमा नेपालले पपुवा न्यूगिनी र यूएईसँग नेपाली भूमिमा २–२ खेल खेल्नेछ भने खेलबाटै विश्वकप छनोटमा पुग्ने शीर्ष तीन टिम र एक दिवसीयमा रहिरहने शीर्ष पाँच टिमको टुङ्गो लाग्ने कयान सम्वद्ध अधिकारीहरुले जनाएको छ ।
प्राप्त् पछिल्लो जानकारी अनुसार यसको लागि नेपालले बाँकी दुई खेल जित्न सक्दा नेपाल विश्वकपमा सिधै छनोट हुने अवसर प्राप्त् हुने ती अधिकारीले बताए ।
विश्वकप लिग–२ मा सबै खेल खेलेर स्कटल्याण्ड ५० अंकसहित च्याम्पियन बन्दै गर्दा ३२ खेलबाट ३२ अंक सहित नेपाल पाँचौं स्थानमा रहेन सफल भएको छ ।
