काठमाडौं फागुन १३,
फागुन २५ मा मुलुकको तेस्रो राष्ट्रपति चयनका लागि हुने निर्वाचनका लागि शनिबार संसद्कै ल्होत्से भवनमा उम्मेदवारी दर्ता हुँदैछ। उम्मेदवारी दर्ताका लागि निर्वाचन आयोगले शनिबार १० बजेदेखि अपराह्न ३ बजेसम्म निर्धारण गरिएको छ। त्यस्तै आयोगले प्रकाशित निर्वाचन कार्यक्रमअनुसार मनोनयनपत्र दर्ता भएपछि उम्मेदवारको सूची आजै ४ बजेसम्म सार्वजनिक हुनेछ । दलहरूले उम्मेदवार कसलाई बनाउने भन्ने अझै यकिन हुन बाँकी छ।
शुक्रबार बेलुका मात्रै कांग्रेस, माओवादी, नेकपा एसलगायत ८ दलले राष्ट्रपतिमा कांग्रेसका साझा उम्मेदवार उठाउने सहमति गरेसंगै राष्ट्रपति निर्वाचनको मनोनयन दर्तामा कांग्रेस र एमालेलेको तर्फबाट उम्मेदवार रहने सम्भावना देखिएको छ ।
यसैवीच आज बस्ने काँग्रेस कार्यसम्पादन समितिको बैठकले उम्मेदवारको टुंगो लगाउनेछ । यद्यपी स्रोतबाट प्राप्त जानकारी अनुसार कांग्रेसले वरिष्ठ नेता रामचन्द्र पौडेल वा कृष्ण प्रसाद सिटौलालइ उम्मेदवार बनाउने प्रवल सम्भावना रहेकोछ । संघीय ससद र प्रदेशसभाका सदस्य मतदाता रहने राष्ट्रपति निर्वाचनमा लागि निर्वाचनको अन्तिम मतदाताको नामावली समेत सार्वजनिक भइसकेको छ ।
साथै यसवीचमा उम्मेदवारको विरोधमा आइतबारसम्म उजुरी दिन सकिने यदि उजुरी परेमा सोमबार जाँचबुझ गरी त्यही दिन नाम सार्वजनिक गरिने आयोगले जनाएको छ।