काठमाडौं माघ १३,
अधिवक्ता रविराज बसौला, युवराज पौडेललगायतले राष्ट्रिय स्वतन्त्र पार्टीका सभापतिसमेत रहनुभएका उपप्रधान एवं गृहमन्त्री रवि लामिछानेको नागरिकता प्रकरणको सम्बन्धी दायर रिट निवेदनको सर्वोच्चको संवैधानिक इजलासमा जारी सुनुवाइ सकिएको छ ।
कामु प्रधानन्यायाधीश हरिकृष्ण कार्की, न्यायाधीशहरू विश्वभरप्रसाद श्रेष्ठ, ईश्वरप्रसाद खतिवडा, डा आनन्दमोहन भट्टराई र अनिलकुमार सिन्हाको संवैधानिक इजलासमा उपप्रधान एवं गृहमन्त्री लामिछानेको नागरिकता प्रकरणको सुनुवाइ भएको हो ।
यद्यपी सुनवाइ सकिएपनि आदेश आजै आउने वा निर्णय अर्को दिन सुनाउने भन्ने तय भइनसकेको सर्वोच्च स्रोतले जनाएको छ । यसवीचमा सर्वोच्च परिसरमा प्रहरीको संख्या थपेर सुरक्षा सतर्कता बढाइएको छ ।