प्रधानमन्त्री प्रचण्डले मङ्गलवारको बैठकमा विश्वासको मतका लागि प्रस्ताव टेवल गर्ने
काठमाडौं पुस २५,
आजदेखि सङ्घीय संसद्को अधिवेशन प्रारम्भ हुँदैछ । राजधानीको नयाँ बानेश्वरस्थित सङ्घीय संसद् भवनमा अपराह्न १ बजेदेखि प्रतिनिधिसभा र राष्ट्रियसभाका बैठक अलग अलग सञ्चालन हुने संसद सचिवालयले जनाएकोछ ।
संसद सचिवालयका अनुसार आज दिउँसो १ बजेबाट शुरु हुनेछ । बैठकमा सभामा प्रतिनिधित्व गर्ने १२ राजनीतिक दलका नेताको शुभकामना मन्तव्यसंगै सभाका ज्येष्ठ सदस्य पशुपति शमशेर जबराले आजको बैठकमा नेपालको संविधानको धारा ७६ उपधारा २ बमोजिम नियुक्त भएका प्रधानमन्त्री ‘प्रचण्ड’ ले सोही धाराको उपधारा ४ बमोजिम प्रतिनिधिसभाबाट विश्वासको मत लिने प्रस्तावबारे जानकारी गराउनेछन् भने प्रधानमन्त्री प्रचण्डले भोलि मङ्गलवारको बैठकमा विश्वासको मतका लागि प्रस्ताव टेवल गर्नु हुनेभएको छ।
त्यस्तै माघ ७ मा सभामुख र माघ ९ मा उपसभामुखको निर्वाचनका कार्यक्रम रहेको संसद सचिवालयले जनाएको छ।