काठमाडौं असोज २३ ,
नेपाली कांग्रेसका महामन्त्रीद्दय गगन थापा र विश्वप्रकाश शर्माले आगामी मङ्सिर ४ गते हुने निर्वाचनका लागि आज प्रतिनिधिसभा सदस्यका लागि आफ्नो उम्मेदवारी मनोनयन दर्ता गराउनुभएको छ। महामन्त्री थापाले काठमाडौं ४ बाटै उम्मेदवारी दिनु भएको हो भने शर्माले झापा क्षेत्र नं १ बाट उम्मेदवारी मनोनयन दर्ता गर्नु भएको हो ।
यसअघि कांग्रेसका महामन्त्री थापा सर्लाही ४ बाट प्रतिनिधि सभाको चुनाव लड्ने चर्चाले राजनैतिक वृत गर्माएपनि अन्तत निरन्तर विजयी भएको क्षेत्र काठमाडौं ४ मै सत्ता गठबन्धनका उम्मेदवार बनेका हुन् ।
काठमाडौं ४ मा गगनको प्रतिस्पर्धीका रुपमा यसअघिको निर्वाचनमा तीन हजार बढी मतले गगनसंग पराजित भएका नेकपा एमालेका डा .भट्टराईले उम्मेदवारी दिएका छन्
त्यस्तै झापा क्षेत्र नं १ बाट सत्ता गठबन्धनका उम्मेदवार बन्नु भएका अर्का काँग्रेस महामन्त्री शर्माको उम्मेदवारीको प्रस्तावकमा झापा कांग्रेसका जिल्ला उपसभापति केशवराज पाण्डे र समर्थकमा क्षेत्रीय सभापति इन्द्रकुमार बुढाथोकी रहेका छन् भने उहाँको प्रतिस्पर्धी उम्मेदवारएमाले झापा जिल्ला इन्चार्ज अग्नि खरेल रहेका छन ।