काठमाडौं साउन १६,
केहि दिन यतादेखिको अविरल वर्षाका कारण लेदो माटोसहितको पहिरो खस्दा हेटौँडा–काठमाडौँ जोड्ने छोटो मार्ग भैँसे–भीमफेदी सडकखण्डमा यातायात अवरुद्ध भएसंगै सो मार्गमा बाट हेटौँडाबाट –काठमाडौ आउँदै गरेका र काठमाडौबाट हेटौँडा जाँदै गरेका यात्रु अलपत्र परेका छन ।
इलाका प्रहरी कार्यालय भीमफेदीले आज दिउँसो भीमफेदी गाउँपालिका–२ स्थित भैँसे–भीमफेदी सडकखण्डमा माथिबाट लेदो माटोसहितको पहिरो खसेपछि यातायात अवरुद्ध भएको र यात्रुहरु घण्टौं अलपत्रमा परेको जनाएको छ ।
पहिरोका कारण सडक आवागमन अवरुद्ध हुँदा हेटौँडातर्फ आउने सवारीसाधन भीमफेदीमा र विपरीत दिशाबाट जाने सवारीसाधन भैँसेमा रोकिएका जानकारीदिदै इप्रका भीमफेदीले आवागमन सुचारु गर्न सडकखण्डमा खसेको पहिरो पन्छाउने काम तत्काल शुरु गरिएको जनाएको छ।