काठमाडौं बैशाख १०,
नेकपा एमालेको शनिबार साँझ बसेको सचिवालय बैठकले आगामी बैशाख ३० गते हुने स्थानीय तह निर्वाचनको लागि ५ महानगरपालिका र ९ वटा उपमहानगरपालिकाको प्रमुख र उपप्रमुखको उम्मेदवारीको नाम टुंगो लगाएको छ ।
नेकपा एमाले आसन्न स्थानीय निर्वाचनमा काठमाडौं महानगरपालिकाको मेयरमा केशव स्थापित उपमेयरमा सुनिता डंगोललाई उम्मेदवार बनाउने गरेको छ। त्यस्तै ललितपुरको प्रमुखमा हरिकृष्ण व्यञ्जनकार र उउपप्रमुखमा मञ्जली शाक्यलाइ उम्मेदवार बनाउँने भएको छ।
त्यस्तै पोखरा महानगरको मेयरमा दिपक पौडेल र उपमेयरमा मञ्जुदेवी गुरुङ भरतपुर मेयरमा विजय सुवेदी र वीरगञ्जको मेयरमा विजय सारबगीलाई उम्मेदवार बनाउने निर्णय गरेको छ। यी दुबै महानगरको उमपेयरको उम्मेदवार तोक्न बाँकी रहेको एमालेले जनाएको छ ।
