काठमाडौ माघ १९,
कोभिड जोखिमका कारण अत्यावश्यक बाहेकका सेवा बन्द गर्दै आएको जिल्ला प्रशासन कार्यालय भक्तपुरले बिहीबारदेखि आलोपालो सेवा दिने भएको छ । यसअघि प्रशासन कार्यालयले गत माघ ५ गतेबाट नागरिकता, राहदानी, राष्ट्रिय परिचयपत्र, सिफारिस लगायतका अत्यावश्यक नियमित सेवा अर्को सूचना जारी नभएसम्मका स्थगन गरेको थियो ।
प्रमुख जिल्ला अधिकारी रुद्रादेवी शर्माले संक्रमणको जोखिम घटेसंगै २० गते बिहीबारदेखि आलोपालो प्रणालीबाट सेवा प्रवाह गरिने जानकारी दिदै आलोपालो प्रणाली अनुसार आइतबार, मङ्गलबार र बिहीबार भक्तपुर नगरपालिका र चाँगुनारायण नगरपालिका एवं सोमबार, बुधबार र शुक्रबार मध्यपुरथिमि नगरपालिका र सूर्यविनायक नगरपालिकाका सेवाग्राहीलाई सेवा दिइने जानकारी दिनुभयो ।
