काठमाडौं कात्तिक २०,
स्वास्थ्य तथा जनसंख्या मन्त्रालयले पछिल्लो २४ घण्टामा देशभर थप १३९ जनामा कोभिड संक्रमण पुष्टि भएको जनाएको छ। २ हजार १ सय ३४ जनाको पीसीआर परीक्षण गर्दा १२८ जना र १ हजार ७ सय ९८ जनाको एन्टिजेन परीक्षण गर्दा ११ जना गरी १३९ जनामा कोभिड संक्रमण देखिएको मन्त्रालयले जनाएको छ ।
त्यस्तै मन्त्रालयले यस अवधिमा संक्रमणबाट १ जनाको मृत्यु भएको छ भने ३९६ जना संक्रमित कोभिड मुक्त भएको जनाएको छ । मन्त्रालयका अनुसार हालसम्म कोभिड संक्रमणबाट मृत्यु हुनेको संख्या ११ हजार ४३९ पुगेको छ। कोभिड मुक्त हुनेको संख्या ७ लाख ९४ हजार ८३४ पुगेको छ।