काठमाडौ मंसिर ११,
पछिल्लो २४ घण्टामा देशभरका बिभिन्न प्रयोगशालामा गरिएको vपीसीआर परीक्षणो क्रममा थप १ हजार ६ सय १४ जनामा कोभिड संक्रमण पुष्टिभएसंगै नेपालमा कुल संक्रमितको संख्या २ लाख २७ हजार ६४० पुगेको छ । त्यस्तै देशभर सक्रिय संक्रमितको संख्या १६ हजार ७९३ रहेको स्वास्थ्य तथा जनसंख्या मन्त्रालयले जनाएको छ ।
त्यसैगरी देशभर थप १४ सय ३७ जना संक्रमित उपचारपछि डिस्चार्ज भएसंगै डिस्चार्ज हुनेको संख्या २ लाख ९ हजार ४३५ पुगेको छ भने संक्रमणबाट थप २३ जनाको मृत्यु भएको छ । यो संगै नेपालमा संक्रमणबाट निधन हुनेको संख्या १ हजार ४ सय १२ पुगेको मन्त्रालयले जनाएको छ ।
यस्तै पछिल्लो २४ घण्टामा काठमाडौं उपत्यकामा ७८५ जना कोभिड संक्रमित थपिएका छन् । मन्त्रालयका अनुसार काठमाडौंमा ६ सय २०, भक्तपुरमा ५१ र ललितपुरमा ११४ जना नयाँ संक्रमित थपिएको मन्त्रालयले जनाएको छ ।
