काठमाडौ असोज १३,
पछिल्लो २४ घण्टामा देशभरका विभिन्न प्रयोगशालामा १० हजार ८९१ जनाको पीसीआर परीक्षणको क्रममा थप १५ सय १३ जनामा कोभिड १९ संक्रमण देखिएसंगै नेपालमा कुल कोभिड संक्रमितको सख्या ७६ हजार २४८ पुगेको स्वास्थ्य तथा जनसंख्या मन्त्रालयले जनाएको छ ।
आज पहिचान भएका संक्रमित मध्ये उपत्यकामा मात्र थप ९३४ जना रहेको जनाउदै यसमध्ये काठमाडौँमा ७४७ जना, भक्तपुरमा ७३ जना र ललितपुरका ११४ जना रहेको जानकारी दिएकोछ । उपत्यकामा आज पहिचान भएको संक्रमित सख्या अहिलेसम्मकै ठूलो सख्या भएको मन्त्तालयले जनाएको छ।
त्यस्तै मन्त्रालयले आज कोभिड संक्रमणबाट मृत्यु हुनेको संख्या १० रहेको र यसमध्ये काठमाडौं का ३ जना क्रमस काठमाडौकी ५७ वर्षीया, ६० र ७० वर्षीय संक्रमित रहेको जनाएको छ । त्यस्तै देशभर थप ७३१ जना उपचारपछि डिस्चार्ज भएसंगै डिस्चार्ज हुनेको कुल संख्या ५५ हजार ३७१ पुगेको मन्त्रालयले जनाएको छ ।
