काठमाडौ मंसिर २०, वाम गठबन्धनका उम्मेदवार शिवपुजन यादवको उम्मेदवारी खारेज गर्ने निर्वाचन आयोगको निर्णयलाई सर्वोच्च अदालतले पनि सदर गरेको छ । बाम गठबन्धनको सर्लाही निर्वाचन क्षेत्र नं. ४ बाट प्रतिनिधिसभामा उम्मेदवार रहेका यादवले कूटनीतिक राहदानी दुरुपयोगमा विशेष अदालतबाट दोषी ठहर भएकाले उहाँको उम्मेदवारी खारेजीको माग गर्दै स्वतन्त्र उम्मेदवारी दिएका गणेशकुमार सिंहले जिल्लामा र अनिलकुमार सिंहले निर्वाचन आयोगमा कात्तिक १९ गते उजुरी दिएका थिए । आयोगले आफ्नो उजुरी सुनुवाई नगरेको भन्दै उनीहरु सर्वोच्च अदालत पुगेका थिए ।
त्यस उपरान्त उम्मेदवारी खारेजी विरुद्ध अन्तरिम आदेश माग गर्दै या सर्वोच्च अदालतमा दायर रिट निवेदन उपर छलफल पछि न्यायाधीशद्वय दीपकराज जोशी र डम्बरबहादुर शाहीको संयुक्त इजलासले आज यादवको उम्मेदवारी खारेज गर्ने आयोगको निर्णयलाई सदर गरेको हो । स्मरण रहोस : अब सर्लाही ४ मा वाम गठबन्धन उम्मेदवारविहीन अवस्थामा रहेको छ भने राजपा–फोरम गठबन्धनका उम्मेदवार राकेश मिश्र रहेका छन् भने कांग्रेसबाट पूर्वसांसद डा.अमरेशकुमार सिंहवस्च भिडन्त हुने भएको छ ।
