एक दिने फोटो तथा भिडियो सम्बन्धि तालिम
विर्तामोड बैशाख १, पत्रकार महासंघ झापा शाखाले स्थापना गरेको पत्रकार सहारा उपचार कोषका लागि बिर्तामोडका समाजसेवी हर्कलाल गिरी र सञ्चार उद्यमी कुमार भट्टराईले ५१ हजार रुपैया प्रदान गर्नु भएको छ । महासंघका अध्यक्ष तारामणि सापकोटा र महासंघका उपाध्यक्ष तथा पत्रकार सहारा उपचार कोषका संयोजक एकराज गिरीलाई शुक्रबार बिर्तामोडमा गिरी र भट्टराईले ५१ हजार रुपैया हस्तान्तरण गर्नु भएको हो । 
पत्रकार सहारा उपचार कोषमा हाल १० लाख रुपैया जम्मा भएको कोषका संयोजक एकराज गिरीले जानकारी दिए । आगामी साउनबाट सञ्चालनमा आउने कोेषलाई ५० लाख हुदै क्रमश १ करोड बनाउने र कोषको व्याजबाट पत्रकारको उपचारमा सहयोग गर्ने महासंघले जनाएको छ ।
कोषका सदस्य सचिव केशव भट्टराईका अनुसार महासंघले न्यूनतम् ३ हजार रुपैया शुल्क तिरेर कोषको सदस्य बन्न सबै पत्रकारलाई आह्वान गरेको छ । सहयोगी दातालाई पनि सहयोगको लागि आह्वान गरिएको छ ।
त्यस्तै नव वर्षको २०७४ सालको अवसर पारेर नेपाल पत्रकार महासंघ झापाको आयोजनामा एक दिने फोटो तथा भिडियो सम्बन्धि तालिम शुव्रmवार सम्पन्न भएको छ । विर्तामाड स्थित होटल डेनियलमा अयोजित तालिममा झापामा व्रिmयाशील ४० बढि पत्रकारहरुको सहभागिता रहेको थियो । शाखाका अध्यक्ष तारामणि सापकोटाको अध्यक्षतामा आयोजित तालिमको सहजीकरण अमेरिकी प्रोफेसर क्याली होपले गर्नु भएको थियो । तालिम उद्घाटनका अवसरमा बानका उपाध्यक्ष कुमार भट्टराई, समाजसेवी हर्कलाल गिरी लगायतले शुभकामना मन्तव्य अभिव्यक्त गर्नु भएको राख्नु भएको शाखा सचिव सन्तोष आचार्यललाइ उदृत गर्दै प्राप्त समाचारमा उल्लेख गरिएको छ ।
