काठमाडौं कात्तिक १३, नेपाली कांग्रेसका सभापति शेरबहादुर देउवाले संविधान कार्यान्वयनका लागि सबै दलबीच सहमति जुट्ने विश्वास व्यक्त गरेका छन् । नेपाली कांग्रेस काठमाडौं क्षेत्र नम्बर ६ ले शनिबार राजधानीमा आयोजना गरेको शुभकामना आदान प्रदान तथा चियापान कार्यक्रममा कांग्रेस सभापति देउवाले संविधान कार्यान्वयन गर्नुको विकल्प नभएकाले सबै दल चाँडो सहमतिमा पुग्नु आवश्यक रहेको बताउँनु भएको हो ।
त्यस्तै उहाँले स्थानीय र केन्द्रीय निर्वाचनपछि मुलुकले गति लिने भएकाले निर्वाचनका लागि सबै राजनीतिक शक्ति तयार हुनुपर्नेमा जोड दिनु भएको थियो । कार्यक्रममा काठमाडौं कांग्रेसका सभापति सवुज वाँनिया लगायतका वक्ताहरुले बोल्नु भएको थियो । कार्यक्रममा सभापति देउवा पार्टीका विभिन्न तह र तप्काका जिम्मेवारी सम्हाल्दै आएका भातृसंङगठनका प्रतिनिधीहरुलाइ सम्मान समेत गर्नु भएको थियो ।