काठमाडौं चैत ११,
नेपाली कांग्रेसले केन्द्रीय कार्यसमितिको बैठक बोलाएको छ । आसन्न १४औं महाधिवेशनको कार्यतालिका प्रभावित भएसंगै काँग्रेसले सो सम्बन्धमा छलफल गर्न भन्दै आगामी चैत २० गतेका लागि बैठक बोलाएको हो ।
यसअघि कांग्रेसले भाद्र ७–१० गते महाधिवेशन गर्ने गरी कार्यतालिका बनाउँदै अहिले क्रियाशील सदस्यता वितरण तथा नवीकरणको तथ्यांक देशभरबाट केन्द्र संकलन गर्ने काम भइरहेको छ ।
त्यस्तै कांग्रेस कार्यालयका मुख्यसचिव पौडेलकाअनुसार बुधबारसम्म ६९ जिल्लाबाट तथ्यांक इन्ट्री सुरु भएको छ र ४ लाखभन्दा बढी क्रियाशील सदस्यता वितरण तथा नवीकरण भएको काँग्रेस मुख्यालयले जनाएको छ ।
