काठमाडौं कात्तिक २७,
नेपाली कांग्रेसको १४ औं महाधिवेशन अन्र्तगत मंसिर २४ देखि २६ सम्म काठमाडौंमा केन्द्रीय महाधिवेशन गर्ने कार्यतालिका अनुरुप क्रियाशील सदस्यता र समायोजनमा विवादका कारण महाधिवेशन प्रक्रिया शुरु हुन नसकेका १३ जिल्लामा कांग्रेसले आजबाट वडा अधिवेशन शुरु गर्ने भएको छ। यसअघि ६४ जिल्लाहरुमा अधिवेशन प्रक्रिया शुरु गरेको थियो । जसमध्ये तराई र पहाडका जिल्लाहरुमा वडा र गाउँ र नगरपालिका अधिवेशन सम्पन्न भइसकेका छन् । ५१ जिल्लाहरुमा वडा र स्थानीय तहको अधिवेशन समेत सम्पन्न भइसकेका छन । त्यस्तै हिमालका १३ जिल्लाहरुमा अधिवेशन सम्पन्न गरेर नयाँ नेतृत्वको चयन समेत भइसकेका छन ।
त्यस्तै कांग्रेसले वडा र पालिका अधिवेशन सम्पन्न गरिसकेका ५१ र वडा अधिवेशन शुरु नभएका १३ जिल्लाहरुमा एकसाथ प्रदेशसभा अधिवेशन गर्ने तयारी गरेको छ ।
१३ जिल्लामा वडा र पालिका अधिवेशन सम्पन्न भइसकेपछि आगामी ६४ जिल्लाहरुमा एकसाथ प्रदेशसभा अधिवेशन शुरु गरिने कांग्रेसको कार्यतालिका सार्वजनिक गरेका छन । कार्यतालिकाअनुसार मंसिर ६ गते संघीय निर्वाचन क्षेत्र अधिवेशन, मंसिर १० गते जिल्ला अधिवेशन र मंसिर १६ र १७ गते सात वटै प्रदेशको अधिवेशन हुने भएको छ । यस सम्मबन्धमा थप नितिगत निर्णय आइतवार बस्ने केन्द्रीय समितिको बैठकले गर्ने भएको छ।
