काठमाडौं कात्तिक १३,
१३ औं दक्षिण एसियाली खेलकुद साग का दोहोरो स्वर्ण पदक विजेता सुवास तामाङ र युवराज भुजेलले दुवईमा आयोजना हुने एसिया प्यासिफिक च्याम्पियनसिपमा भाग लिने भएका छन् । एसिया प्यासिफिक गल्फ महासंको निमन्त्रणमा सुवास र युवराज त्यसतर्फ जान लागेको हुन् । कात्तिक १७ गते देखि २० गते सम्म आयोजना हुने च्याम्पियनसिपमा भाग लिन उनीहरु आइतबार त्यसतर्फ प्रस्थान गर्ने नेपाल गल्फ संघले जनाएको छ । 
संघको तर्फबाट शनिबार उनीहरुलाई विदाई गर्दै संघीय सांसद समेत रहेका नेपाल ओलम्पिक कमिटीका अध्यक्ष जीवनराम श्रेष्ठ, संघका अध्यक्ष तासी घले र गल्फको राष्ट्रिय टोलीको प्रायोजक केल्मी नेपालका निर्देशक प्रदीप न्यौपानेले खेलाडीलाई विदाई गर्नुभएको थियो । विदाइ कार्यक्रमलाइ सम्बोधन गर्दै एनओसी अध्यक्ष श्रेष्ठले १३ औं सागमा गल्फले स्वर्ण पदक जित्दै नेपाली खेलकुदमा शुरुवात गरेको नयाँ अध्यायलाइ एसिया प्यासिफिक गल्फ च्याम्पियनसिप मार्फत नेपाली खेलाडी सुवास र युवराजले थप विस्तार गर्ने विस्वास व्यक्त गनुभयो ।
