काठमाडौँ वैशाख १५,
पछिल्लो समय कोभिड संक्रमणको जोखिम उच्चरफ्तारमा बढेसंगै उपत्यकामा जारी भएको निषेधाज्ञा सँगै उपत्यका छोड्ने सर्वसाधारणको चाप निकै बढेको महानगरीय ट्राफिक प्रहरी महाशाखाले जनाएको छ ।
महाशाखाका अनुसार यसवीचमा उपत्यका छाड्नेको सख्या निकैबढेको जानकारी दिदै बिहीबारदेखि उपत्यकामा लागू हुने निषेधाज्ञाका कारण घर फर्किनेहरूको घुइचो बढेको जानकारी दिएको हो ।
महाशाखा सम्वद्ध स्रोतका अनुसार उपत्यका भित्रिनेभन्दा बाहिरिने सवारी साधनको सङ्ख्या दोब्बर रहेको जनाउदै पछिल्लो डेटा अनुसार यसरी वाहिरिनेको सख्या करिव पाँच लाख पुगेको आकंल गरिएको छ ।
त्यस्तै नागढुङ्गा, भक्तपुरको जगाते, बल्खु–फर्पिङ, चन्द्रागिरि, ललितपुरको लेले, टोखा छहरे, मुड्खु, जरसिंहपौवा र रामकोटलगायतका नाकाबाट भित्रिनेभन्दा बाहिरिने सवारी साधनको सङ्ख्या दोब्बर पुगेको ट्राफिक प्रहरीले जनाएको छ ।
