काठमाडौं जेठ ३१ ,
अख्तियार दुरुपयोग अनुसन्धान आयोगको बर्दिबासस्थित कार्यालयले धनुषाको नगराइन नगरपालिका २ का वडाध्यक्ष र वडासचिव ७० हजार रुपैयाँ घुससहित आज साँझ पक्राउ गरेका छन । अख्तियारटोलीले नगराइन नगरपालिका २ का वडाध्यक्ष बुलन यादव र वडासचिव अमृत झालाई घुससहित पक्राउ गरेको हो ।
वडाध्यक्ष यादव र सचिव झाले प्रदेश सरकारको भौतिक पूर्वाधार विकास मन्त्रालयको ४० लाख रुपैयाँको योजनामा नगराइन २ मा सडक निर्माण सम्पन्नपश्चात् सिफारिसबापत उपभोक्ता समितिका अध्यक्ष रोहित चौधरीसँग ७० हजार रुपैयाँ घुस मागेको भन्ने उजुरीको आधारमा आवश्यक छानविको क्रममा अख्तियारको टोलीले चौ दुवैजनालाई घुस रकमसहित पक्राउ गरेको हो ।