काठमाडौं चैत २०,
निर्वाचन आयोगले आगामी बैशाख १० गते सम्पन्न हुने प्रतिनिधिसभा सदस्यको उपनिर्वाचनका्े लागि प्रकाशित निर्वाचन कार्यतालिका अनुसार आज उम्मेदवारीको मनोनयन दर्ताको लागि चितवन क्षेत्र नम्बर २ मा विशेष गरी चार दलका लागि निर्वाचन कार्यालयले छुट्टाछुट्टै समय तालिका तोकेको छ ।
मुख्य निर्वाचन अधिकृतको कार्यालयले राष्ट्रिय स्वतन्त्र पार्टी [रास्वपा]का विहान १० बजे, नेपाली कांग्रेसका लागि दिनको २ बजे, नेकपा एमालेका लागि ३ बजे र राप्रपाका लागि ४ बजे समय तोकिएको हो ।
चितवन क्षेत्र नम्बर २ मा उपनिर्वाचनमा रास्वपाका सभापति रवि लामिछाने, कांग्रेस चितवनका निवर्तमान सभापति जीतनारायण श्रेष्ठ, एमालेका जिल्ला अध्यक्ष रामप्रसाद न्यौपाने र राप्रपाका जिवलाल पुरीले उम्मेदवारी दर्ता गराउँदैछन । त्यस्तै उम्मेदवारी दर्ताको क्रममा प्राप्त जानकारी अनुसार रास्वपाका सभापति लामिछानेले बिहान १० बजे मनोनय दर्ता गर्ने कार्यक्रम रहेको थाहा भएके छ । त्यस्तै नेपाली कांग्रेसले दिनको १ बजे चौबिसकोठीमा भेला हुँदै मनोनयन दर्ता गराउाने तयारी गरेको बुझिएको छ ।
त्यस्तैएमालेका उमेदवार न्यौपानेले दिउँसो ३ बजे उमेदवारी दर्ता गर्ने तयारी गेको थाहा भएको छभने राप्रपाका उमेदवारले ४ बजे उमेदवारी दर्ता गर्ने भएको छ । मुख्य निर्वाचन अधिकृतको कार्यालयमा एकैचोटी सबै दलका उमेदवार पुगेर भीडभाड नहोस् भनेर दललाई छुट्टाछुट्टै समय दिइएको हो ।
