काठमाडौं चैत ३,
नयाँ उपराष्ट्रपति चयनका लागि मतदान हुँदैछ । नयाँ बानेश्वरस्थित संसद भवनको ल्होत्से हलमा हुने मतदान आज विहान १० बजेबाट दिउँसो ३ बजेसम्म जारी रहने निर्वाचन अधिकृतको कार्यालये जनाएको छ ।
उपराष्ट्रपतिमा नेकपा एमालेबाट अष्टलक्ष्मी शाक्य, जनमत पार्टीबाट ममता झा तथा जनता समाजवादी पार्टीबाट प्रमिलाकुमारी र रामसहायप्रसाद यादवको उम्मेदवारी परे पनि शाक्य र रामसहाय यादव प्रमुख प्रतिस्पर्धीको रूपमा छन् ।
प्रमिला कुमारी यादवले भने उम्मेदवारी निष्क्रिय पारेको घोषणा गरेकी छन् । समय सीमाभित्र उम्मेदवारी फिर्ता नलिएकाले निर्वाचन अधिकृतको कार्यालयले प्रमिलाको नाम पनि मतपत्रमा राखिएको हो ।
