काठमाडौं असार ३१,
नेकपा माओवादी केन्द्रका अध्यक्ष प्रचण्ड ३ दिने भारत भ्रमणमा जाँदै हुनुहुन्छ । करिब दुई महिना पहिले नै नेपालका लागि तत्कालीन भारतीय राजदूत विनय मोहन क्वात्राले अध्यक्ष दाहाललाई भेटी उपयुक्त समयमा भारत भ्रमणको लागि दिएको निम्तो अनुरुप उहाँ भारत भ्रमणमा जान लागेको हो । त्यसलगत्तै भारतीय जनता पार्टीका अध्यक्ष जगतप्रकाश नड्डाले अध्यक्ष दाहाललाई भारत भ्रमणको औपचारिक पत्राचार गर्नुभएको थियो ।
यसैवीच नेकपा माओवादी केन्द्रको विहिवार बसेको बैठकले अध्यक्ष प्रचण्डको भारत भ्रमणले नेपाल–भारतबीचको आपसी सम्बन्धलाई थप सुदृढ गर्न मद्दत मिल्ने निष्कर्ष सहित उहाँको भ्रमण सफलताको कामना गरेको छ ।
त्यस्तै ३ दिने भारत भ्रमणको क्रममा अध्यक्ष प्रचण्डले भारतका उच्च पदस्थ नेतृत्वसंग समेत भेटवार्ता गर्ने कार्यक्रम रहेको जानकारी सहति उहाँ आगामी साउन १ गते आइतबार स्वदेश फर्कनुहुने कार्यक्रम रहेको नेकपा माओवादीले जनाएको छ ।
