काठमाडौं असार ११,
जल तथा मौसम विज्ञान विभागले शनिबार देशभर सामान्यदेखि पूर्ण बदली रही धेरै स्थानमा मेघ गर्जन/चट्याङसहित हल्कादेखि मध्यम वर्षा हुने सम्भावना औल्याएको छ । विभागका अनुसार प्रदेश नं १, मधेस प्रदेश, बागमती, गण्डकी, लुम्बिनी र कर्णाली र सूदुरपश्चिम प्रदेशमा देखिएको मनसुनी वायुको प्रभाव संगै यि प्रदेशका एकाध स्थानमा भारी वर्षाको सम्भावना रहेको जनाएको छ ।
त्यस्तै आइतबार पनि देशका विभिन्न प्रदेशमा सामान्यदेखि पूर्ण बदलीसंगै पहाडी भू–भागका धेरै स्थानमा मेघ गर्जनरचट्याङसहित मध्यम वर्षाको सम्भावना रहेको छ भने गण्डकी र कर्णाली प्रदेशका एक–दुई स्थानमा भारी वर्षाको सम्भावना रहेको जनाएको छ ।
