काठमाडौँ फागुन १,
फागुन २ गतेका लागि तय भएको प्रतिनिधिसभाको बैठक फेरि फागुन ४ गते मध्यान्न १ बजे बस्ने गरि स्थगन गरिएको छ । संसद्का महासचिव डा भरतराज गौतमले आज एक सूचना जारी गर्दै फागुन २ गतेका लागि तय भएको प्रतिनिधिसभाको बैठक बुधबारका लागि सरेको जानकारी दिनुभएको हो ।
महासचिव गौतमले जारी गर्नुभएको सूचनमा विशेष कारणले पूर्व निर्धारित उक्त दिन र समयमा बैठक बस्न नसक्ने भएकाले प्रतिनिधिसभा नियमावली, २०७५ को नियम ६ को उपनियम ३ बमोजिम बैठक सारिएको उल्लेख छ । 
यसघि प्रतिनिधिसभाको बैठक २०७८।९।१८ , ०९ । २२ ,०९ । २८ ,१० । ३ , १० ।१६ , १०। २६ र ११ । ०२ समेत गरि ७ पटक पूर्व निर्धारित बैठक स्थगन भइसेकेको छ ।
