काठमाडौ कार्तिक १९,
केहि दिन यता देखि उपत्यका लागयत देशैभर चिसो मौसमको शुरवात भएको छ। यस वीचमा अर्थात मौसमको परिवर्तन संगै रुघा, खोकी लाग्नु सामान्य नियमित प्रक्रिया हो । तर बढ्दोका कोभिड संक्रमणको जोखिम संगै सामान्य रुघा खोकी र ज्वारो आउनासाथ अधिकांशले कोभिड १९ भएको आशंका गर्न थालेका छन ।
सम्वद्ध चिकित्सकहरुका अनुसार जाडो मौसम सुरु हुने बेलामा यस्ता लक्षण देखिनु र मौसमी रुघा खोकी लाग्ने क्रम बढ्नु सामान्य कुरा भएका कारण कोभिडको संक्रमणको रुपमा बुझ्न नहुँने बताएका छन ।
यहाँ स्मरणीय पक्ष भनेको मौसमी रुघा खोकी र कोभिड९ १९ विल्कुल फरक खालका संक्रमण हुन । मौसमी रुघाखोकीमा हाच्छिउँ आउने, घाँटी दुख्नुका साथै ज्वरो आउने र निश्चित समयपछि निको हुदै जान्छ । तर कोभिड १९को संक्रमण भएका बिरामीमा भने स्वाद, गन्ध हराउने, जीउ दुख्नुको साथै स्वास फेर्न गाह्रो हुने र उच्च ज्वरो आउने लक्षण देखिने पक्षलाइ नजरअन्दाज नगर्न सुझाएका छन ।