काठमाडौं मंसिर १० नेपाल सम्बत् ११३८ को उपलक्ष्यमा काठमाडौं महानगरपालिका १३ वडा ग्वाहालि पुचःको आयोजनामा शनिवार का.म.पा. १३ टंकेश्वर तक्तिमा शुभकामना आदान प्रदान कार्यक्रमको आयोजना गरिएको छ । 
कार्यक्रममा शुभकामना मन्तव्य अभिव्यक्त गर्दै मल्ल के. सुन्दरले हामी एमाले भयौं, कांग्रेस भयौं, माओवादी भयौ तर नेवार बन्न नसकेको र नेवारको मुद्धालाई भावनात्मक रुपमा स्वीकार गर्न नसकेका कारण हाम्रो समुदायलाई अघि बढ्न नसकेको बताउँदै नेवार समुदायलाइ नेवार भएर अघि बढ्न आग्रह गर्नु भएको थियो ।
त्यस्तै राजनितिक विश्लेषक सीकेलालले आफ्नो शुभकामना मन्तव्यको क्रममा नेवारहरु पुर्खौंदेखि राजनितिक अधिकारबाट बंचित भइरहेको अवस्थामा अहिले पनि आफ्नो अधिकार लिन संघर्षशील नभएको आगामी दिनमा यो जाति हराउने त हैन भनी आफ्नो आशंका व्यक्त गर्नुभएको उक्त कार्यक्रममा कामपा वडा न १३ वडाध्यक्ष धुव्रनारायण मानन्धर ,लेखक स्नेश सायमी र पत्रकार एवं विश्लेषक युग पाठक लगायतले वोल्नु भएको थियो ।
