काठमाडौ असोज २२, बालाजु औद्योगिक क्षेत्रको हातामा रहेको विन्दबासिनी प्लास्टिक फर्ममा साँझ लागेको आगलागी करिव १ घण्टाको प्रयासपछि नियन्त्रणमा आएको प्रहरीले जनाएको छ । प्रहरीका अनुसार बिजुलीको वेल्डिङ गर्दा विद्युत् सर्ट भई भएको आगलागी नियन्त्रणका लागि नेपाल प्रहरी, स्थानीयवासी, दुईवटा दमकल, दुईवटा पानी ट्याङ्करको सहयोगमा नियन्त्रणमा लिईएको जनाउँदै प्रहरीले आगलागीबाट करिब रु १५ लाख बराबरको क्षति भएको जानकारी दिएको छ ।
