काठमाडौ कात्तिक ७ ,आज बसेको व्यवस्थापिका संसदको बैठकमा अख्तियार दुरुपयोग अनुसन्धान आयोगका प्रमुख आयुक्त लोकमानसिंह कार्कीविरुद्ध दर्ता भएको महाअभियोग प्रस्ताव पेश भएको छ । संविधानको धारा १०१ को उपधारा २ एवम् व्यवस्थापिका– संसद् नियमावली, २०७३ को १३८ को उपनियम नियम १ बमोजिम दर्ता गरिएको उक्त प्रस्ताव मा आयोगका प्रमुख 
आयुक्त लोकमानसिंह कार्कीविरुद्ध पदीय आचरण विपरीत कार्य गरेको अभियोग लगाउँदै १सय ५७जना सांसदको दावी रहेको छ ।
आजको बैठकमा आयोगका प्रमुख आयुक्त कार्कीविरुद्ध दर्ता महाअभियोग प्रस्ताव दर्ता भएको जानकारी दिँदै सभामुख ओनसरी घर्तिले उक्त प्रस्ताव उपर कार्तिक ९ गते दिउँसो ३ बजे बस्ने संसदको बैठक छलफलको समय निर्धारण गरेको जानकारी दिनु भएको छ । संसद सचिवालयका अनुसार उक्र प्रस्ताव उपर छलफल भएपछि थप अनुसन्धान गर्न महाअभियोग सिफारिस समितिमा पठाइने छ । समितिले कार्यप्रारम्भ गरेको ३० दिनभित्र संसदमा राए सहितको प्रतिवेदन पठाउने जानकारी दिएको छ ।
