काठमाडौ श्रावण ५, आज साँझ बसेको मन्त्रिपरिषद्को बैठकले त्रिवि शिक्षण अस्पताल महाराजगञ्जमा अनशनरत डा गोविन्द केसीको मागको सम्बोधन एवम् छलफलका लागि भन्दै वार्ता टोली गठन गरेको छ ।
प्रधानमन्त्री कार्यालय, स्वास्थ्य मन्त्रालय र शिक्षा मन्त्रालयका सचिव सहितको ३ सदस्यीय वार्ता टोलीलाइ डा केसीको मागको सम्बोधन एवम् छलफलको अख्तियारी दिईएको सरकारका प्रवक्ता एवम् सूचना तथा सञ्चारमन्त्री शेरधन राईले जानकारी दिनुभएको छ ।
त्यस्तै आजको मन्त्रिपरिषद् बैठकले पेट्रोलियम तथा ग्यास कारोबार नियमन आदेश, २०६९ खारेज गर्ने निर्णय सहित स्थानीय शान्ति समितिको म्याद यही साउन १ गतेदेखि लागू हुनेगरी एक वर्षका लागि थप गरेको प्रवक्ता राइले जानकारी दिनु भएको छ ।
