काठमाडौ आषाढ १०, निजी विद्यालयले वैशाख महिनाको आधा शुल्क मिनाहा गर्ने सहममति कार्यान्वयन नगरेको भन्दै विद्यार्थी सङ्गठनहरुले आजदेखि आफैले स्वतन्त्र अनुगमन सुरु गरेका छन् ।
यस अघि शिक्षा विभागका पदाधिकारी सहितको अनुगमन टोलीको गरेको अनुगमन प्रभावकारी नभएको र निजी विद्यालयले सहमति कार्यान्वयन नगरेर विद्यार्थी सङ्गठनहरुलाई अवमूल्यन गरेको ठहर गर्दैै विद्यार्थी सङ्गठनहरुले आफैले अनुगमन सुरु गरेको हो ।
नेवि सङ्घका प्रवक्ता युपी लामिछानेका अनुसार जानकारी सुरुमा प्याब्सन र एनप्याब्सनका पदाधिकारीहरुका विद्यालयबाट अनुगमन सुरु गरिने जनाउँदै सहमति विपरीत विद्यालयले शुल्क लिएमा प्रमाणसहित आफूहरुलाई जानकारी दिन पनि विद्यार्थी सङ्गठनहरुले विद्यार्थी तथा अभिभावकलाई आग्रह गरेका छन् ।
