काठमाडौं असार १०,
स्वास्थ्य तथा जनसङ्ख्या मन्त्रालयले देशभर पछिल्लो २४ घण्टामा थप ४३ जनामा कोभिड सङ्क्रमण पुष्टि भएको जनाएको छ । मन्त्रालयले १ हजार ८५२ को पिसीआर र १ हजार ७०३ जनाको एन्टिजेन विधिबाट परीक्षण गर्ने क्रममा उल्लेखित सख्यामा संक्रमितको पहिचान भएको जानकारी दिएको हो ।
त्यस्तै मन्त्रालयले यसवीचमा १४ जना संक्रमित संक्रमण मुक्तभएको जानकारीदिदै पछिल्लो समय देशैभर सक्रिय सङ्क्रमितको सङ्ख्या १८१ रहेको जनाएको छ । यसमध्ये उपत्यकाका ३ जिल्लामध्ये हाल काठमाडौमा ६२ र ललितपुर ३० र भक्तपुरमा ८ गरी उपत्यकामा १०० जना सक्रिय सङ्क्रमित रहेको मन्त्रालयले जनाएको छ । साथै आइसीयूमा दुई र भेन्टिलेटरमा १ जना सङ्क्रमितको उपचार भइरहेको जानकारी दिएको छ।
