काठमाडौं साउन २३ ,
साउन १८ गते बसेको संवैधानिक परिषद्को बैठकले प्रधानन्यायाधीशमा सिफारिस गरेका विश्वम्भरप्रसाद श्रेष्ठको संसदीय सुनुवाइ प्रक्रिया सुरु भएको छ ।
संसदीय सुनुवाइ समितिको आज बसेको बैठकले श्रेष्ठविरुद्ध १० दिने समयसिमा सहितको उजुरी आह्वानका लागि सूचना प्रकाशित गर्ने निर्णय गरेको हो ।
त्यस्तै समितिले श्रेष्ठविरुद्ध उजुरी प्राप्त भएपछि समितिले उजुरीकर्तासँग छलफल गर्नेलगायत प्रक्रियासंगै प्रस्तावित व्यक्तिसँग सुनुवाइ गर्नेछ । समितिले संसदीय सुनुवाइ प्रक्रिया पूरा गरी नाम अनुमोदन गरेपछि राष्ट्रपतिबाट प्रधानन्यायाधीश नियुक्त गर्ने संवैधानिक व्यवस्था रहेको छ ।
