विश्वासको मत माग्ने क्रममा मत नपाएपछि प्रदेश सरकार ढलेको यो पहिलो घटना
काठमाडौ माघ २६,
मुख्यमन्त्री राजेन्द्रसिंह रावलले विश्वासको मत नपाएसंगै नेकपा एमाले नेतृत्वको सुदूरपश्चिम प्रदेश सरकार ढलेको छ । एमालेको तर्फबाट रावल गत पुस २७ गते मुख्यमन्त्री नियुक्त भएका थिए । मुख्यमन्त्री नियुक्त भएको ३० दिनभित्र विश्वासको मत लिनुपर्ने संबैधानिक प्रावधान अनुसार मुख्यमन्त्री रावलले ५३ सदस्यीय प्रदेश सभामा बहुमत पुष्टि गर्न २७ मत आवश्यक थियो । प्रदेशसभामा कुनै पनि दलको एकल बहुमत छैन ।
यद्यपी सत्तासमर्थक दल नागरिक उन्मुक्ति पार्टीको तर्फबाट सहयोग हुने अपेक्षा मुख्यमन्त्री रावलले गरेपनि गरिक उन्मुक्ति पार्टीका प्रदेशसभा सदस्यहरु बैठकमानै उपस्थित नभइपछि सभामुखले पक्ष र विपक्षमा ध्वनि मत गराएकामा सोअनुसार विश्वासको मत नपाएपछि एमाले सरकार ढलेको हो । नागरिक उन्मुक्ति पार्टीले आफ्ना संरक्षक रेशम चौधरीलाई रिहा गर्नुपर्ने माग केन्द्रीय सरकारले सम्बोधन नगरेपछि प्रदेश सरकारलाइ विस्वासको मत दिन नसक्ने बटमलाइनमा तय गरेको थियो ।
स्मरण रहोस, विश्वासको मत माग्ने क्रममा मत नपाएपछि प्रदेश सरकार ढलेको यो पहिलो घटना हो । प्रदेश सभामा एमालेका १०, माओवादी केन्द्रका सभामुखबाहेक १० र राप्रपाका १ सांसद छन् । विपक्षमा रहेको नेपाली कांग्रेसका १९, उन्मुक्तिका पार्टीका ७, नेकपा एकीकृत समाजवादीका ४ र १ स्वतन्त्र सदस्य रहेका छन् ।
आजको बैठकमा एक कांग्रेसका सांसदसंगै उन्मुक्तिका सातैजना अनुपस्थित रहेका थिए ।
