काठमाडौ भाद्र २१,
राष्ट्रपति विद्यादेवी भण्डारीबाट पुनर्विचारका लागि गत साउन २९ गते फिर्ता भएको नेपाल नागरिकता ऐन संशोधन विधेयक पुनः प्रमाणीकरणका लागि संसद् सचिवालयले राष्ट्रपति कार्यालयमा सोमबार पठाएको छ ।
दुवै सदनको बैठकबाट पारित गरेर पुनः प्रमाणीकरणका लागि पठाइएको प्रस्तुत विधेयक सोमबार सभामुख अग्निप्रसाद सापकोटाले प्रमाणित गरेर प्रमाणीकरणका लागि पठाइएको हो ।
यसअघि पहिलो पटक गत साउन १५ गते उक्त विधेयक प्रमाणीकरणका लागि राष्ट्रपति कार्यालय पठाइएको थियो । उक्त विधेयकमा भएका केही व्यवस्थामा पुनर्विचारका लागि भन्दै राष्ट्रपति भण्डारीले फिर्ता गर्नुभएको थियो ।
त्यस्तै राष्ट्रपतिबाट फिर्ता आएपछि प्रतिनिधि सभाले पुन चनद्र ४ गते विधेयक जस्ताको तस्तै र राष्ट्रिय सभाले भाद्र १७ गते पारित गरेको थियो ।
