काठमाडौ असार ३२,
स्वास्थ्य तथा जनसंख्या मन्त्रालयले पछिल्लो २४ घन्टामा देशभर थप २०५ जनामा कोभिड संक्रमण पुष्टि भएको जनाएको छ ।
त्यस्तै मन्त्रालयले ३ हजार ७१८ जनाको कोभिड परीक्षण गर्दा उक्त संख्यामा संक्रमित थपिएका जनाउँदै १ हजार ६४४ जनाको पिसिआर र दुई हजार ७४ जनाको एन्टिजेन परीक्षण गरिएको र यसमध्ये पीसीआरबाट १५२ र एन्टिजेनबाट ५३ संक्रमित थपिएको जानकारी दिएको छ ।
त्यस्तै सक्रिय संक्रमित १३ सय ८५ पुगेको जनाउँदै सक्रिय संक्रमितमध्ये काठमाडौंमा मात्र ८५० जना रहेको जानकारी दिएको छ भने ललितपुरमा ९२ तथा भक्तपुरमा २६ जना रहेको जानकारी दिएको छ ।
साथै हाल ४१ जना संस्थागत आइसोलेसनमा, १७ जना आईसीयूमा तथा १ जना भेन्टिलेटरमा रहेको जानकारीसंगै यसवीचमा ५१ जना संक्रमित उपचारपछि डिस्चार्ज भएको जानकारी दिएको छ।
