काठमाडौ भाद्र २२, शारीरिक सुगठन प्रतियोगिता अन्र्तगत ५० औँ एसियन च्याम्पियनसिपको उपाधि नेपालका महेश्वर महर्जनले जितेका छन् । भुटानमा मङ्गलबार भएको प्रतियोगिताअन्तर्गत विभिन्न २८ राष्ट्रका प्रतियोगि सम्मिलित उक्त प्रतियोगिताको ७५ केजी तौल समूहमा भाग लिएका महर्जनले १० देशका प्रतिस्पर्धीलाई उछिन्दै प्रथम स्थान हासिल गरेका हुन् ।
उक्त स्पर्धामा भारत दोस्रो, अफगानिस्तान तेस्रो, मलेसिया चौथो र थाइल्यान्डका खेलाडी पाँचौँ भएका थिए । उक्त प्रतियोगितामा विभिन्न स्पर्धामा २८ राष्ट्रका खेलाडीले भाग लिएका थिए । यसैवीच प्रतियोगिताको ७५ केजी तौल समूहमा स्वर्ण पदक जित्न सफल भएका महेश्वर महर्जनको सम्मानमा नेपाल शारीरिक सुगठन तथा फिटनेस संघले अपरान्ह विहीवार त्रिभुवन विमानस्थलबाट नगर परिक्रमा गरिने भएको छ । फोटोसाभार: Dinesh Rajbhandari को FB पेज