काठमाडौं चैत २२,
सुदूरपश्चिम प्रदेशका मुख्यमन्त्री कमलबहादुर शाहले राजीनामा दिएका छन् । प्रदेश सभामा आज विश्वासको मत लिने तयारीमा रहेका शाहले प्रदेश प्रमुख नजिर मियाँलाई राजीनामा बुझाएको हो ।
यसअघि आज ३ बजे वोलाइएको प्रदेश सभाको बैठकमा विश्वासको मत लिने तयारी रहेका मुख्यमन्त्री शाहले विश्वासको मत पाउने वातावरण बनाउन प्रदेश सभा बैठक ५ बजेसम्म सारिएको थियो ।
अल्पमतमा रहेका मुख्यमन्त्री शाह विश्वासको मत अगाडि आफ्नो पक्षमा मत दिनका लागि अन्तिम कसरत गर्दा समेत केहि सिप नलागपछि साजीनामा गरेको हो ।
यसैवीच लुम्बिनी प्रदेशका मुख्यमन्त्री डिल्लीबहादुर चौधरीले पनि पदबाट राजीनामा दिएका छन् । विश्वासको मत प्राप्त गर्न बहुमत नपुग्ने भएपछि चौधरीले आज प्रदेश सभा बैठकलाइ सम्बोधन गर्दै राजीनामा घोषणा गरेको हो ।
