काठमाडौं फागुन १२,
शुक्रवार राजधानीको थापाथलीस्थित प्रसूति गृहबाट चोरी भएको २६ दिनको बच्चा काठमाडौंको काँडाघारीमा भेटिएको छ ।
प्रहरीले बच्चा लिएर जाने मनकुमारी सिंहलाई नियन्त्रणमा लिएको हो । प्रहरीका अनुसार शुक्रवार बिहान ११ बजे नियमित परीक्षणका लागि अस्पताल पुगेकी काभ्रे चौरी देउराली घर भकी २२ वर्षीया सबिना श्रेष्ठले आफ्नो बच्चा अपरिचित महिलालाई बोक्न दिएकी थिइन् । तर, आफ्नो बच्चासहित ती महिला अस्पतालबाट गायब भएपछि अनुसन्धानका लागि सविनाले प्रहरीमा उजुरी दिएसंगै उनको जिल्ला प्रहरी परिसर काठमाडौं र उपत्यका अपराध अनुसन्धान कार्यालयको संयुक्त टोलीले बच्चाको खोजी गरको थियो ।
अन्तत बच्चा लिई फरार भएकी दैलेख नौमुले गाउँपालिका९१ घर भई हाल काठमाडौं काँडाघारी बस्ने मनकुमारी सिंह, उनका श्रीमान नरेन्द्र मल्ल र दिदी शारदा शाहीलाई प्रहरीले पक्राउ गर्दै बच्चालाई उद्धार गरी अभिभावकको साथमा उपचारका लागि काठमाडौं मेडिकल कलेज, सिनामंगल पठाई उपचार भइरहेको प्रहरीले जनाएको छ ।
