काठमाडौं फागुन ११,
काठमाडौं उपत्यका अपराध अनुसन्धान कार्यालय मिनभवले क्यानडा पठाइदिन्छु भन्दै २० लाख रूपैयाँ ठगी गरेको अभियोगमा झापा हल्दिबारी गाउँपालिका -१ घर भई काठमाडौं बुढानिलकण्ठ नगरपालिका- ४ कपन बस्ने ४० वर्षीय बलराम भट्टराईलाई बिहीबार दिउँसो सुकेधाराबाट पक्राउ गरेको छ ।
प्रहरीका अनुसार भट्टराईले १ जनालाई वैदेशिक रोजगारीका लागि क्यानडा पठाई प्रतिष्ठित होटलमा मासिक ४ लाख ५० हजार रूपैयाँ तलबमा काम लगाइदिन्छु भन्दै प्रलोभनमा पारी पीडितबाट पटक पटक गरी उक्त रकम ठगी गरेको अनुसन्धानको क्रममा खुल्न आएको प्रहरीले जनाएको छ ।
पक्राउ परेको भट्टराईलाइ थप अनुसन्धान तथा कारवाहीको लागि वैदेशिक रोजगार विभाग ताहाचल काठमाडौं पठाइएको प्रहरीले जनाएके छ ।
