काठमाडौं पुस २९,
सत्ता गठबन्धन दलको आज प्रधानमन्त्रीको सरकारी निवास बालुवाटामा बसेको बैठकले बसेको बैठकले आसन्न राष्ट्रिय सभा निर्वाचनमा गठबन्धनका साझा उम्मेदवारलाई जिताउन अपिल गरेका छन् ।
बैठकपछि जारी सयुक्त अपिलमा माघ ११ मा सम्पन्न हुने राष्ट्रिय सभाको निर्वाचनमा गठबन्धनको तर्फबाट प्रस्तुत उम्मेदवार सबैका साझा उम्मेदवार भएको र यसवीचमा गठबन्धनलाई कमजोर गर्ने विभिन्न गतिविधि हुन सक्दछन् त्यअर्थमा गठबन्धनलाई अझ संगठित र बलियो बनाउँदै देशमा राजनितिक स्थायित्व थप सुनिश्चित गर्ने अवसर सिर्जना गर्नका लागि अपिलमा भनिएको छ ।
गठबन्धनका उम्मेदवारलाई जिताउन कांग्रेस, माओवादी केन्द्र, एकीकृत समाजवादी, जसपा, लोसपा नाउपा र जनमोर्चा गरी सात दलको साझा अपील छ । ‘नेपालको संविधानको रक्षा र लोकतान्त्रिक गणतन्त्रात्मक प्रणालीको सुदृढीकरणका लागि हामीले यो राजनीतिक गठबन्धन निर्माण गरेका हौं । देशमा दिगो शान्ति, सुशासन, विकास, समृद्धि र सामाजिक न्याय प्राप्त गर्ने हाम्रो साझा लक्ष्य हो । देशको उन्नतिका लागि राजनीतिक स्थिरता पूर्वशर्त हो । लोकतान्त्रिक गणतन्त्रात्मक प्रणालीको सुदृढीकरण, राजनीतिक स्थीरता, दिगो शान्ति, शुसासन र समृद्धिका लागि प्रतिवद्ध छौ र सदैव निष्ठापूर्वक क्रियाशील रहने प्रतीज्ञा गर्दछौ,’ अपिलमा भनिएको छ ।
अपिलमा सत्ता गठन्धनको तर्फबाट क्रमस प्रधानमन्त्री एवम् माओवादी केन्द्रका अध्यक्ष प्रचण्ड,काँग्रेस सभापति शेरबहादुर देउवा, नेकपा एसका अध्यक्ष माधव कुमार नेपाल , जसपाका अध्यक्ष उपेन्द्र यादव , नागरिक उन्मुक्ति पार्टीका अध्यक्ष रञ्जिता श्रेष्ठ चौद्यरी, लोसपका अध्यक्ष महन्त ठाकुर र राजमोका अध्यक्ष चित्र वहादुर केसीले हस्ताक्षर गर्नुभएको छ ।