काठमाडौँ पुस २८,
सरकारी स्वामित्वको औषधि उत्पादन कम्पनी नेपाल औषधी लिमिटेडले आफ्नो साखलाइ जोगाइ राख्न महत्वाकांक्षी योजना अघि सारेको छ । नेपाली जनमानसमा एक किसिमको वेग्लै पहिचान बनाउँन सफल यो कम्पनीले सरकारले जनतालाई निःशुल्क वितरण गर्नका लागि आवश्यक पर्ने औषधी लिमिटेडले आफैँ उत्पादन गर्ने तयारी गरेको हो ।
नेपाल औषधी लिमिटेडले हाल उत्पादन गरिरहेका औषधीसंगै सरकारबाट उपलब्ध हुँदै आएको ९८ प्रकारका औषधीमध्ये २० प्रकारका औषधि लिमिटेडले उत्पादन गर्ने योजना बनाएको हो । प्रधानमन्त्री पुष्पकमल दाहाल ‘प्रचण्ड’को प्रत्यक्ष निेर्दशमा ९८ प्रकारका औषधीमध्ये २० प्रकारका औषधि लिमिटेडले उत्पादन गर्दै सरकारलाई औषधि बिक्री गर्ने तयारी गरेको महाप्रबन्धक कैलाशकुमार पनेरुले जानकारी दिनुभयो ।
त्यस्तै उहँँले सरकारले तत्कालका लागि लगानी गरेको अवस्थामा उत्पादन गरेर सरकारको रकम फिर्ता गर्ने प्रतिबद्धता व्यक्त गर्दै यसबाट वर्षेनि अर्बौको औषधिजन्य पदार्थको आयात समेत निरुत्साहित गर्न सकिने बताउनुभयो । स्मरण रहोस औषधिको प्रतिस्प्रर्धी बजारमा विगतमा लिमिटेडले एक सय ४६ प्रकारका औषधि उत्पादन गर्दै आएको थियो । केही समय सिटामोलमात्र उत्पादन गर्दै आएको लिमिटेडले हाल नौ प्रकारका औषधि उत्पादन गर्दै आएको छ ।
