काठमाडौं पुस १३,
कोरियन भाषा प्रशिक्षार्थीले गरेको आन्दोलनका क्रममा दुई जना प्रदर्शनकारीको मृत्युभएसंगै गृह मन्त्रालयले घटना छानबिनका लागि समिति गठन गरेको छ। प्रदर्शनलाइ नियन्त्रणमा लिने क्रममा प्रहरीले लाठीचार्ज, अश्रु ग्यास र गोली प्रहार गर्दा २३ वर्षीय सुजन राउत र २२ वर्षीय वीरेन्द्र शाहको मृत्यु भएको हो । राउतको किष्ट अस्पताल र शाहको पाटन अस्पतालमा उपचारका क्रममा मृत्यु भएको हो।
उपत्यका प्रहरी कार्यालयका डीआईजी लालमणि आचार्यको संयोजकत्वमा गठित तीन सदस्यीय समितिमा ललितपुरका सहायक प्रमुख जिल्ला अधिकारी अमरदिप सुनुवार र राष्ट्रिय अनुसन्धान विभागका उपनिर्देशक बासु सिग्देल सदस्य रहेका छन्। 
शुक्रबार दिउँसो भौतिक पूर्वाधार तथा यातायातमन्त्री प्रकाश ज्वाला चढ्ने ब २ झ ५८६१ नम्बरको गाडीमा बालकुमारीमा आगजनी गरेसंगै स्थिति थप तनावग्रस्त बनेपछि बालकुमारी क्षेत्र तनावग्रस्त बनेको थियो।
