काठमाडौं मंसिर १४,
जल तथा मौसम विज्ञान विभाग मौसम पूर्वानुमान महाशाखाले पश्चिमी वायुका साथै भारतको राजस्थान क्षेत्र आसपास रहेको न्यून चापीय प्रणालीको प्रभावले आज देशका विभिन्न स्थानमा वर्षा र हिमपातको सम्भावना रहेको जनाएको छ ।
त्यस्तै महाशाखाले आज काठमाडौं उपत्यका सहित देशका अधिकांश स्थानमा आंशिकदेखि सामान्य बदली रहनुको अलावा दिउँसो मधेश, बागमती, गण्डकी र लुम्बिनी प्रदेशलगायत देशको पहाडी भूभागका एकाध स्थानमा हल्का वर्षासंगै देशका उच्च पहाडी तथा हिमाली भूभागका थोरै स्थानमा हल्का हिमपातको सम्भावना रहेको जनाएको छ ।
त्यस्तै राति कोशी र गण्डकी प्रदेशको उच्च पहाडी तथा हिमाली भूभागका एकाध स्थानमा हल्का हिमपातको संभावना औल्याएको छ ।
त्यसैगरि शुक्रबार गण्डकी, कर्णाली र सुदूरपश्चिम प्रदेशका पहाडी भूभागका एकाध स्थानमा वर्षासंगै उच्च पहाडी तथा हिमाली भूभागका एकाध स्थानमा हल्का हिमपातको संभावना रहेको जनाएकोछ ।
