काठमाडौं मंसिर १३,
राष्ट्रियसभाका अध्यक्ष गणेश तिमिल्सिनासहित २० सांसदको पदावधि आगामी फागुन २० गते सकिँदै छ। २०७४ मा निर्वाचित भई गोलाप्रथाबाट ६ वर्षे पदावधि प्राप्त गरेका २० जना राष्ट्रियसभा सदस्यको कार्यकाल आगामी फागुन २० गते सकिन लागको हो ।
राष्ट्रियसभा सदस्यको कार्यकाल सकिन लागेका अन्य सदस्यहरुमा नेपाली कांग्रेसका अनिता देवकोटा, रमेशजंग रायमाझी, प्रकाश पन्थ र जितेन्द्रनारायण देव रहेका छन्।
त्यस्तै नेकपा एमालेको तर्फबाट राष्ट्रियसभा सदस्य रहेका भैरवसुन्दर श्रेष्ठ, इन्दु कडरिया, खिमलाल भट्टराई, दीपा गुरुङ, दिलकुमारी रावल थापा , नरपति लुवार, रामचन्द्र राई रहेका छन ।
त्यस्तै पदावधि सकिनेको माओवादीको तर्फबाट विना पोखरेल, महेशकुमार महरा र हरिराम चौधरी रहेका छन भने एकीकृत समाजवादीको तर्फबाट नन्दा चपाईं र सिंगबहादुर विश्वकर्मा रहेका छन ।
त्यस्तै जसपको तर्फबाट शिक्षा राज्यमन्त्री समेत रहेका प्रमिलाकुमारी यादव र स्वतन्त्र सांसद खिमलाल देवकोटा संगै र राष्ट्रपतिबाट मनोनीत विमला राई पौड्याल रहेका छन् ।