काठमाडौं मंसिर ११,
राजधानीको अति व्यस्त मानिने बबरमहलमा जिल्ला अदालत परिसरमा पैदलयात्रुले वाटो काट्नका लागि आफैंले बटन थिचेर ट्राफिक लाइट बाल्ने प्रविधि सन्चालनमा आएको छ । काठमाडौं महानगरको सहयोगमा ‘पेलिकन क्रसिङ’ भनिने यस प्रकारको ट्राफिक लाइट सोमबार बिहानबाट सञ्चालनमा आएको ट्राफिक महाशाखाले जनाएको छ ।
यो प्रणाली सञ्चालनमा आएसँगै अब बाटो काट्न पैदल यात्रुले आफैँले बटन थिचेर ट्राफिक लाइट बाल्न सक्नेछन् । करिव १० लाखको अनुमानित खर्चमा जडान गरिएको यस प्रविधिको प्रयोगबाट एकपटक बटन थिचेपछि ३० सेकेन्डसम्म हरियो बत्ती बल्ने र सो समयमा यात्रुले बाटो काट्न सक्ने ट्राफिक महाशाखाले जनाएको छ ।
