काठमाडौं मंसिर ७,
निर्वाचन आयोगले आगामी फागुन २० गते समाप्त हुने राष्ट्रिय सभा सदस्यको निर्वाचन आगामी माघ ११ गते बिहीबार गर्ने गरी मिति तोक्न आज नेपाल सरकारलाई परामर्श दिएको छ ।
आगामी फागुन २० गते राष्ट्रिय सभा सदस्यमा निर्वाचित १९ र सरकारबाट मनोनीत एक गरी २० सदस्यको पद रिक्त हुँदै गर्दाको अवस्थामा आयोगका पदाधिकारीले आज प्रधानमन्त्री प्रचण्डसंग गरेको भेटवार्ताको क्रममा यस्तो परामर्श दिनुभएको र प्रधानमन्त्रीले आयोगको सिफारिसअनुसारकै मितिमै हुने गरी निर्वाचनको मिति तोक्ने जनाउ दिनुभएको आयोगका प्रवक्ता शालिग्राम शर्मा पौडेलले जानकारी दिनुभयो ।
नेपालको संविधानको धारा ८६ को उपधारा ९३० बमोजिम राष्ट्रिय सभाका एक तिहाइ सदस्यको पदावधि २०८० फागुन २० गते समाप्त हुन लागेको र राष्ट्रिय सभा सदस्य निर्वाचन ऐन, २०७५ बमोजिम पद रिक्त हुनुभन्दा ३५ दिन पहिले[माघ १५ गते सम्म] निर्वाचन गरिसक्नुपर्ने कानुनी व्यवस्था रहेको छ ।
निर्वाचन ऐन, २०७५ मा राष्ट्रिय सभाको निर्वाचनमा प्रदेश सभाका सदस्य र गाउँपालिकाका अध्यक्ष तथा उपाध्यक्ष र नगरपालिकाका प्रमुख तथा उपप्रमुखले मतदान गर्ने निर्वाचक मण्डलकोे व्यवस्था रहेको समेत आयोगका प्रवक्ता पौडेलले जानकारी दिनुभयो ।
